L'esperit "pagalhós"
"La pagaia".....
"La pagaia", com se ditz depuish lo dehens, qu'ei, purmèr, ua filosofia, hèita d'amor de la vita, deu saber arríder, deu gost de la burla, d'impertinéncia endecap au poder establit, deu besonh pregond e regular de timponas e de cantas.
Un jornalista, un dia, qu'escrivó que "Òm entra en Pagaia com òm entra en religion" : arren de mei vertadèr, de tant qui la fervor partatjada per los "sòcis" cap a la lenga naturau deu Bearn e de la musica viva e hè vàder d'espiritualitat e de plan-estar.
Los Pagalhós "en campanha", qu'ei quauqu'arren com ua passejada de cap tà'u paradís,.badonc que, disem-z-at, non n'i aja nat entà's préner per un anjo.
Las arretrobadas enter Pagalhós, de tant bon víver qui son, que'us an hèit espravar, com un besonh vitau, la hrèita de crear, de produsir, d'organizar quauques drins l'art e la holia lors entà'us partatjar mei plan : atau, que'n son au lor disc quatau, e atau e perpausan un espectacle de duas òras, variat, beròi oliat,. e de bon compréner, quan seré peus praubes malurós qui non saben pas enqüèra l'occitan.
L'amna pagalhosa que's neureish de la tèrra deu Bearn e dens las veas deu còs pagalhós, que corren la lenga e la cultura soas, per lasquaus cadun, en dehòra deu grop, e tribalha dab fidelitat e capborrudèr, en las associacions, las institucions escolaras, los medias, l'edicion, l'animacion, la promocion de las particularitat de l'artisanat locau, etc.
Tau ei l'esperit pagalhós.
